தேர்தல் சட்டங்களை மீறிய 33 வேட்பாளர்கள் கைது

உள்ளூராட்சி மன்றத் தேர்தல் சட்டங்களை மீறியமை தொடர்பில், 33 வேட்பாளர்கள் கைது செய்யப்பட்டுள்ளதாக பொலிஸ் தெரிவித்துள்ளது. 

கடந்த மார்ச் மாதம் 3 ஆம் திகதியிலிருந்து இன்று (30) காலை வரையான காலப்பகுதியில் இவர்கள் கைது செய்யப்பட்டுள்ளதாகத் தெரிவிக்கப்பட்டுள்ளது. 

அதேநேரம், குறித்த காலப்பகுதியில் கட்சிகளின் ஆதரவாளர்கள் 349 பேரும் கைது செய்யப்பட்டுள்ளதாக பொலிஸ் தெரிவித்துள்ளது. 

இதேவேளை, வவுனியா – பூந்தோட்டம் பகுதி மக்களுக்கு வர்த்தக நிலைய உரிமையாளர் ஒருவரின் மூலம் வாக்காளர் அட்டைகளை விநியோகிக்கும் முயற்சியில் ஈடுபட்டிருந்த அஞ்சல் பணியாளர் ஒருவர் வவுனியா பொலிஸாரால் கைது செய்யப்பட்டுள்ளார். 

அத்துடன், குறித்த வர்த்தக நிலைய உரிமையாளரையும் பொலிஸார் கைது செய்துள்ளனர்.