நாளைமுதல் வாக்காளர் அட்டைகள் வீடுகளுக்கு வழங்கப்படும் ,ஞாயிறன்றும் வாக்காளர் அட்டை விநியோகம்

நாளைமுதல் எதிர்வரும் 29 ஆம் திகதி வரை வாக்காளர் அட்டைகள் வீடுகளுக்கு சென்று விநியோகிக்கப்படுவதாக தபால் மா அதிபர் ருவன் சத்குமார தெரிவித்துள்ளார் .

20ஆம் திகதி ஞாயிறன்றும் வாக்காளர் அட்டை விநியோகம் இடம்பெறும் எனவும் அவர் தெரிவித்துள்ளார் .

இம்மாதம் 29ஆம் திகதிக்கு பிறகும் வாக்குச் சீட்டுகளை பெற்றுக்கொள்ளாதவர்கள் , அருகில் உள்ள தபால் நிலையங்களுக்குச் சென்று தங்கள் அடையாளத்தைப் உறுதிப்படுத்துவதனூடாக வாக்குச்சீட்டுகளை பெற்றுக்கொள்ளமுடியுமென தபால் மா அதிபர் ருவன் சத்குமார தெரிவித்துள்ளார் .

இதேவேளை ,உள்ளூராட்சி மன்றத் தேர்தலுக்கான வாக்காளர் அட்டைகள் இன்று தபால் திணைக்களத்திடம் ஒப்படைக்கப்படுவதாக தேர்தல்கள் ஆணைக்குழுவின் தலைவர்

R .M A. L ரத்நாயக்க குறிப்பிட்டுள்ளார்

227 உள்ளூராட்சி மன்றங்களுக்கான தபால்மூல வாக்குச்சீட்டுகளை விநியோகிக்கும் பணிகள் தற்போது நிறைவடைந்துள்ளதாகவும் அவர் தெரிவித்துள்ளார் .

உள்ளூராட்சி மன்றத் தேர்தலுக்கான தபால்மூல வாக்கெடுப்பை எதிர்வரும் 22, 23, 24 ஆகிய தினங்களில் நடத்துவதற்கு நிர்ணயிக்கப்பட்டுள்ளது.

குறித்த தினங்களில் வாக்களிக்க முடியாத வாக்காளர்கள் ஏப்ரல் 28 மற்றும் 29 ஆகிய தினங்களில் வாக்களிக்க முடியும்.