பேருந்து கட்டணத்தில் மாற்றமில்லை

டீசல் விலை அதிகரிக்கப்பட்ட போதிலும் பேருந்து கட்டணங்களில் எந்த மாற்றமும் செய்யப்படாது என்று தேசிய போக்குவரத்து ஆணையம் அறிவித்துள்ளது.

நேற்று (09) நள்ளிரவு முதல் டீசல் விலை உயர்த்தப்பட்டிருந்தாலும், அதனால் பேருந்து கட்டண திருத்தத்தில் எந்தப் பாதிப்பும் ஏற்படாது என அதன் இயக்குநர் ஜெனரல் டாக்டர் நிலான் மிராண்டா தெரிவித்துள்ளார்.

இதனால் தற்போது நடைமுறையில் உள்ள பேருந்து கட்டணங்கள் அப்படியே தொடரும் என்றும் அவர் மேலும் குறிப்பிட்டார்.

இதேவேளை, நேற்று நள்ளிரவு முதல் அமலுக்கு வரும் வகையில் ஆட்டோ டீசலின் விலையை லிட்டருக்கு 22 ரூபாயாலும், லங்கா சூப்பர் டீசலின் விலையை லிட்டருக்கு 24 ரூபாயாலும் அதிகரிக்க இலங்கை பெட்ரோலியக் கூட்டுத்தாபனம் நடவடிக்கை எடுத்துள்ளது.