பிரதமர் ஹரிணி அமரசூரிய பிலிப்பைன்ஸ் விஜயம்

ஆசிய வளர்ச்சி வங்கியின் (ADB) அழைப்பின் பேரில் பிரதமர் டாக்டர் ஹரிணி அமரசூரிய நேற்று (08) நள்ளிரவு பிலிப்பைன்ஸின் மணிலாவிற்கு உத்தியோகபூர்வ விஜயம் மேற்கொண்டு புறப்பட்டார்.

மணிலாவில் அமைந்துள்ள நினோய் அகினோ சர்வதேச விமான நிலையத்திற்கு (NAIA) வந்த பிரதமரை, பிலிப்பைன்ஸிற்கான இலங்கை தூதர் டாக்டர் சானகா தல்பஹேவா, பிலிப்பைன்ஸ் அரசு அதிகாரிகள் மற்றும் ஆசிய வளர்ச்சி வங்கியின் பிரதிநிதிகள் வரவேற்றனர்.

இந்த விஜயத்தின் போது மணிலாவில் உள்ள ஆசிய வளர்ச்சி வங்கி தலைமையகத்தில் நடைபெறும் சர்வதேச மகளிர் தின நிகழ்வில் பிரதமர் முக்கிய உரையாற்ற உள்ளதாக தெரிவிக்கப்படுகிறது.

மேலும், மகளிர் தின நிகழ்வுகளுடன் இணைந்து பரஸ்பர ஆர்வமுள்ள துறைகளில் இலங்கைக்கும் பிலிப்பைன்ஸுக்கும் இடையிலான ஒத்துழைப்பையும் இருதரப்பு உறவுகளையும் வலுப்படுத்தும் நோக்கில் பிலிப்பைன்ஸ் அரசாங்கத்தின் பல அமைச்சர்களுடன் பிரதமர் இருதரப்பு கலந்துரையாடல்களையும் நடத்த உள்ளார்.