போர்நிறுத்தம் மீறப்பட்டால் மிகக் கடுமையான நடவடிக்கைகள் எடுக்கப்படும் – ட்ரம்பின் முற்றுகை அறிவிப்பிற்கு ஈரான் பதிலடி
ஹார்முஸ் ஜலசந்திக்கு எந்தவொரு போர்க்கப்பல் வருகை தருவதும் போர்நிறுத்த உடன்படிக்கையை மீறும் செயலாகக் கருதப்படும் என்று ஈரானிய இஸ்லாமிய புரட்சிகர காவல்படை எச்சரிக்கை விடுத்துள்ளது.
போர்நிறுத்தம் மீறப்பட்டால், அதற்கு எதிராக மிகக் கடுமையான நடவடிக்கைகள் எடுக்கப்படும் என அந்தப் படைப்பிரிவு வலியுறுத்தியுள்ளதாக ராய்ட்டர்ஸ் செய்தி நிறுவனம் செய்தி வெளியிட்டுள்ளது.
ஹார்முஸ் ஜலசந்தியை அமெரிக்க கடற்படை முற்றுகையிடும் என்று ஜனாதிபதி டொனால்ட் ட்ரம்ப் அறிவித்ததைத் தொடர்ந்து, ஈரானின் இந்த எச்சரிக்கை வெளிவந்துள்ளது.
இந்தத் தடையானது போர்க்கப்பல்களுக்கு மட்டுமே பொருந்தும் என்றும், சாதாரண வணிகக் கப்பல்களுக்கு இது பாதிப்பை ஏற்படுத்தாது என்றும் புரட்சிகர காவல்படை மேலும் தெரிவித்துள்ளது.
அமெரிக்காவின் முற்றுகை அறிவிப்பால் ஏற்கனவே பதற்றம் அதிகரித்துள்ள நிலையில், ஈரானின் இந்த நேரடி எச்சரிக்கை போர்நிறுத்த ஒப்பந்தத்தின் எதிர்காலத்தை மேலும் சிக்கலாக்கியுள்ளது.
