முன்னாள் அமைச்சர் திஸ்ஸ விதாரண காலமானார்

இலங்கையின் மூத்த அரசியல்வாதியும் முன்னாள் அமைச்சருமான திஸ்ஸ விதாரண இன்று (13) காலை காலமானார். அவருக்கு 91 வயது.

சிறிது காலமாக நோய்வாய்ப்பட்டு சிகிச்சை பெற்று வந்த அவர், இன்று காலை கோட்டேயில் அமைந்துள்ள அவரது இல்லத்தில் உயிரிழந்ததாக குடும்பத்தினர் தெரிவித்துள்ளனர்.

இலங்கை அரசியலில் பல தசாப்தங்களாகச் செயற்பட்ட பேராசிரியர் திஸ்ஸ விதாரண, இடதுசாரி அரசியல் மரபை முன்னெடுத்த முக்கிய அரசியல்வாதியாகக் கருதப்பட்டார். அமைச்சராகவும், நாடாளுமன்ற உறுப்பினராகவும் பல்வேறு பொறுப்புகளை வகித்த அவர், தேசிய அரசியலில் தனித்துவமான குரலாக திகழ்ந்தார்.

அவரது மறைவு அரசியல் வட்டாரங்களில் பெரும் சோகத்தை ஏற்படுத்தியுள்ளது. பல்வேறு கட்சித் தலைவர்கள் மற்றும் சமூக அமைப்புகள் அவருக்கு இரங்கல் தெரிவித்து வருகின்றன.

அவரது இறுதி சடங்குகள் தொடர்பான அறிவிப்புகள் பின்னர் வெளியிடப்படும் என குடும்பத்தினர் தெரிவித்துள்ளனர்.